簡單錄音要求

錄音都好似做其他事一樣，要想6W1H。

What——整體要呈現甚麼，有什麼器材

Which——錄甚麼樂器，選什麼器材

Who——錄的對象是誰，男/女/男女/組合？

When——幾時錄？早上晚上？

Where——在哪兒錄？

Why——為何要錄？

How——怎樣錄？

錄音咪

hkd一千元以下你要用較多心機去找，但不建議抱咁高期望，好多時收到好多雜訊。

電容咪會好錄過動圈咪，暫時都係用緊rode nt5 和 nt 2a，以前以為買了shure beta 58動圈咪，以為貴就是理想，沒想到點樣都錄唔到自己想要的效果。後來買了akg 的120，情況改善了，開始了解到分別在哪兒。

audio interface

我第一部interface係line 6紅色的 2in out。後來買左creative 既eu0404，當時仲未識錄野。用左好長時間後，希望錄到多d track，就儲錢買左octa capture，算係錄野既開始，因為實在好用和好多設定，又可以external錄，最後在婚禮時出過show，很可靠。

開始用來錄樂團後，愈來愈覺得唔夠錄，最後，我供了一部zoom L 20，用到現在。

心得就是，這一定會好過用電腦的sound card錄，因為好多時pc 機用既daw都係唔支援，你點樣做，最終都係要死死地氣買一個。

daw

現在2020年，實在太幸福！ 想當年要打譜寫譜，根本無錢買個軟件做音樂。現在好多東西都不用錢，雖然功能上有限制，但是比起以前乜都無真係差太遠。pc的推介 sonar lab，現在免費的，mac就本身已有garage band，如果部機勁少少，pro tools first是最好的選擇。

錄音時

1 注意你的電腦是否正常運作，錄音的前一天一定要check一次

2 開定新檔案，set 好晒d track，臨場set好多時都會亂

3 錄之前要確定有幾多人錄，因為好難突然加多幾支咪俾人

4 如果錄樂團，心裡面要有樂團編制，要想好哪些樂器音色和擺位。要錄整體或是細緻錄。

5 錄樂團難度高在有樂手拉錯彈錯，好難tune，要計劃好分段錄或是整體錄。而且好難期望有幾十個監聽耳機俾樂手聽拍子

今天說到這兒。